خلطات للشعر المقصف وكمان بطول الشعر وتنعمه

خلطة زيت تطول الشعر بسرعة وهذي خاصة للي يعانون من تساقط الشعر والخفيف
الوصفة بالضبط:
1- تجيبين أي علبة فاضية وتعبينها زيت دلال (الذرة ) مو دوار الشمس ... أوكي
2- تعبين 2 فنجان قهوة (حلبة مطحونه ) وتفضل تكون فريش والمهم تختارين النوع الجيد منها.
3-مقدار فنجان قهوة حبة سودة (حبة البركة)


وتعبينهم بالعلبة وتنقعينهم لمدة 10 أيام قبل الأستعمال ...

بس هااااااااااا الزيت تحطينه لمدة ساعة وحدة فقط مو تحطينهمن النهار لليل تبيغن فايده أكثر ....بعدين تغسلينة بالشامبو عدل عشان تروح ريحة الحلبة وبعدها حطي حمام الزيت اللي تستخدمينه....

تقدرين تحطينه يوم وتتركينه يوم عشان تشوفين النتيجة بسرعة ...
والله مجرب ومضمون....مستغربة


الخلطه الثانيه :
ربطة لكل من:
جرجير حبق بقدونس نعناع ,, حبة موزة,,ملعقتين كبيرة عسل,,ملعقة كبيرة خل,,نص كاس موية,,راس ثوم كامل,,ملعقة كبيرة سبرتو

تخلط في الخلاط وتصفى وتستخدمي مويتها وتحطيها على شعرك وخصوصا فروة شعرك وتغطيه ببلاستيك وتتركيه نص ساعة وتغسليه زين بالشامبو


على فكرة اذا تبون تسألون عن السبرتو يباع في الصيدليات واذا مالقيتيه الله يعينك تاخذين كرتون مسحة طبية وتعصرين المسحة هي حتنزل لك بس نقطة وحدة من كل مسحة شوي شوي الين تمتلي الملعقة واذا زهقتي تذكري انها مرة كل 6 شهور وبصراحة مريييييييييييحة وماتتعب وريحتها كمان حبق وبنعناع مافي اي اثر لريحة الثوم يا سلام



الخلطه التالته :

تجيبين بصله متوسطه الحجم مقسمه الى اربع اقسام
2 فص ثوم مقسمين الي نصفين
3 ملاعق كبيره سدر مطحون
زيت خروع
زيت زيتون
كمية من الماااء

الطريقه

جيبي البصل والثوم وحطيهم في الماي وانتي حددي كمية الماي اللي تناسب شعرج وخلي البصل والثوم يغلي في الماي لين يصير لون الماي اصفر

بعدها صفي الماي من الثوم والبصل

وجيبي باقي المقادير (سدر،زيت خروع،زيت زيتون) واخلطيهم في الماي واعجينهم مثل عجينه الحنه لاهي سائله ولا جامده نص ونص وبعدها خليها لين تبرد شوي
وبعدين حطيها في شعرج بالمساااء وبالصبح اغسليه
راح تقولين ثوم وبصله وريحه ..الخ اوعدج وووعد انه ماراح تحصلين ولا ريحه انا نفسج قبل اجرب الخلطه خفت بس يوم جربتها مافيها ريحه ابد
وصدقيني بتلاحظين الفرق من اول استخدام
ويفضل تستخدمينها مرتين بالاسبوووووع لنتيجه اسرع



الخلطه الرابعه :ملخبطة

حنا مطحونه(الكميه تتحدد حسب طول شعرك)
فنجال محلب مطحون(المحلب غير الحلبه وتلقينه عند العطار لونه سكري على بيج)
فنجال حبه سوداء مطحونه(اللي هي حبة البركه)
ملعقه كبيره مسمار مطحون(اللي هو القرنفل)
ملعقه كبيره قرفه مطحونه
نصف علبة زبادي
ملعقه كبيره خل تفاح او خل ابيض
فنجال من اي زيت متوفر عندك ويفضل زيت زيتون او خروع اولوز او جوزهند
فنجال عسل
بيضه واحده
تعجنين الحناء اولا بماء دافي يميل للحراره(تتركين المويه تغلي وبعد ماتدفى شوي تعجنين بها الحنا)وبعدين تضيفين باقي المقادير وتخلطينها زين وتغطينها وتتركينها تخمر على الاقل ساعه كامله ويفضل تعجنيها في الليل وتحطينها في الصبح بس لاتخمرينها اكثر من ثمان ساعات
تقسمين شعرك اقسام صغيره وتحطين الخلطه من الجذور للاطراف وبعد ماتنتهين ارفعي شعرك لفوق ولفيه بسماط اوبورق التغليف البلاستك وبعدين لفي عليه شيله وخليه على شعرك زي ماذكرت على الاقل خمس ساعات وبعدين اغسليه ونظفيه بالشامبواي شامبو تستخدمينه ويفضل تزيتينه بعد يوم اويومين بأي زيت عندك وشوفي النتيجه

خلطه تغذى الشعر :
هذه خلطة لتغذية الشعر:

كوب ماء ساخن
ثلاث ملاعق عسل
تخلط وتترك حتى تكون دافئة وبعد الاستحمام ضعيه على شعرك ولا تغسليه بالماء اتركيه على شعرك .
ملاحظة: بعد كل استحمام استعملي هذه الطريقة.



هذه خلطة مجربة ومفعولها سريع جدا في إعادة الصحة للشعربإذن الله:

ملعقه عسل

زيت لوز

تخلط وتوضع على الشعر لمده 2ساعه أو اكثر ثم اغسلي شعرك كالعادة وسترين الفرق.


لتكثير الشعر :

يوضع علي الشعر لمدة يوم كامل ( أربع صفار بيض مخلوط مع ملعقتين خروع ).

أو

اخلطي مع الحناء (زبادي + عسل +صفار بيض +ملعقة من أي زيت).